Biznes Analitik / Business Analyst (Internet Banking)

Vəzifə öhdəlikləri

• Bankın mövcud internet bankçılıq xidmətinin funksional və texniki baxımdan ətraflı təhlilini aparmaq.
• Mövcud internet bankçılıq xidmətində istifadə olunan servisləri, onların iş prinsiplərini, asılılıqlarını və inteqrasiya mexanizmlərini araşdırmaq.
• Servislərə göndərilən sorğuların (request) strukturunu, tələb olunan input parametrlərini, məlumat formatlarını və cavabların (response) strukturunu təhlil etmək.
• Servislərin uğurlu icrası zamanı əldə edilən request və response nümunələrini toplamaq, təhlil etmək və texniki sənədləşdirməsini həyata keçirmək.
• Servislərin funksional davranışını, biznes məntiqini, məlumat axınlarını və mümkün xəta ssenarilərini müəyyənləşdirmək və sənədləşdirmək.
• Mövcud internet bankçılıq xidmətinin təhlili əsasında yenilənəcək sistem üçün funksional tələbləri və texniki spesifikasiyaları hazırlamaq.
• Yeni internet bankçılıq xidmətinin hazırlanması prosesində biznes, texniki və proqram təminatının hazırlanması komandaları arasında koordinasiyanı təmin etmək.
• Hazırlanmış funksionallıqlar üzrə test ssenarilərini və test case-ləri tərtib etmək, funksional testləri icra etmək.
• Sistemin gözlənilən nəticələrə uyğun işləməsini yoxlamaq, aşkar edilmiş uyğunsuzluqları və xətaları sənədləşdirmək.
• Aşkar edilmiş problemləri aidiyyəti üzrə texniki komandalara yönləndirmək, onların aradan qaldırılmasını izləmək və təkrar testləri həyata keçirmək.
• Funksional tələblərin, texniki sənədlərin və test nəticələrinin aktuallığını təmin etmək, zəruri hallarda sənədləri yeniləmək.
• Yeni sistemin funksionallıqlarının mövcud sistemin biznes məntiqinə və bankın daxili tələblərinə uyğunluğunu yoxlamaq.

İlkin mərhələdə hazırlanacaq aşağıdakı funksionallıqlar üzrə tələblərin təhlilini və test prosesini həyata keçirmək:

• Login və autentifikasiya
• Hesabların görüntülənməsi və izlənilməsi
• Pul köçürmələri (transferlər)
• Əməliyyatların təsdiqlənməsi

Əsas tələb olunan bilik və bacarıqlar

• Biznes analizi və funksional tələblərin hazırlanması üzrə biliklər.
• REST API və HTTP protokolları, request/response strukturları ilə işləmək bacarığı.
• JSON və XML məlumat formatları üzrə biliklər.
• Postman və ya oxşar API test alətlərindən istifadə təcrübəsi.
• API sənədləşdirilməsi və texniki spesifikasiyaların hazırlanması bacarığı.
• Test ssenarilərinin və test case-lərin hazırlanması, funksional testlərin icrası üzrə biliklər.
• SQL və verilənlər bazası sorğuları üzrə biliklərin olması üstünlükdür.
• Bank məhsulları, internet bankçılıq və maliyyə əməliyyatları üzrə təcrübə üstünlükdür.
• Analitik düşünmə, detallara diqqət və texniki komandalarla effektiv kommunikasiya bacarığı.