• “Bakı Metropoliteni” QSC olaraq peşəkar komandamıza qoşulmaq üçün İşarəvermə və Rabitə Xidmətinin İMB (İşarəvermə, mərkəzləşdirmə, bloklama) sahəsi üzrə elektrik montyoru axtarırıq.
• Namizəd metropoliten xətlərində hərəkətin təhlükəsizliyini təmin edən işarəvermə, mərkəzləşdirmə və bloklama (İMB) avadanlıqlarının quraşdırılması, sazlanması, texniki baxışı və nasazlıqlarının operativ şəkildə aradan qaldırılması işlərini həyata keçirəcəkdir..

Sizi hansı öhdəliklər gözləyir?

• İMB qurğularına texnoloji proses qrafiki üzrə texniki xidmət göstərmək, müvafiq yoxlama və profilaktik işləri aparmaq;
• Yoldəyişdiricilərin, svetoforların, rels dövrələrinin və digər İMB qurğularının saz və işlək vəziyyətdə saxlanılmasını təmin etmək;
• Qurğuların prinsipial və montaj sxemlərinə əsasən İMB qurğularının montajı, yoxlanması, tənzimlənməsi və təmiri işlərində iştirak etmək;
• Relelərin, kontaktların, kabellərin, işarə lampalarının, şlaqbaum və digər İMB avadanlıqlarının montaj işlərini yerinə yetirmək;
• Yeraltı və yerüstü kabel xətlərinin çəkilməsi və müvafiq terminallara qoşulması işlərini icra etmək;
• Elektrik dövrələrinin rele, işarə lampaları və digər elementlərinin sıradan çıxma səbəblərini tapmaq və aradan qaldırmaq;
• İMB qurğularında istifadə olunan cihazların parametrlərini və işə yararlılığını yoxlamaq;
• Voltmetr, ampermetr, meqometr və digər ölçü cihazları ilə lazımi ölçmələr aparmaq;
• İMB avadanlıqlarında elektrik təhlükəsizliyi qaydalarına uyğun olaraq torpaqlama və izolyasiya yoxlamalarını həyata keçirmək;
• Sahənin elektrik mexaniki ilə koordinasiyalı işləmək, əməyin mühafizəsi, təhlükəsizlik texnikası və yanğın təhlükəsizliyi qaydalarına ciddi riayət etmək.

Metropoliten Sizə nə təklif edir?

• Sabit və etibarlı iş mühiti;
• Peşəkar komandada inkişaf və karyera imkanları;
• Metropolitendən ödənişsiz istifadə imkanı;
• Güzəştli nahar təminatı; 
• Bilgəh Sağlamlıq Mərkəzi və əməkdaşlıq etdiyimiz sanatoriyalarda güzəştli istirahət imkanı;
• Psixoloji dəstək xidməti.

• Elektrotexnika, avtomatika, işarəvermə və rabitə və ya digər müvafiq texniki sahələr üzrə orta ixtisas və ya peşə təhsili (ali təhsil üstünlükdür);
• Müvafiq sahə üzrə orta ixtisas və ya peşə təhsili olduqda iş stajı tələb olunmur, müvafiq təhsil olmadıqda isə istehsalatda 6 aydan az olmayaraq iş stajı tələb olunur;
• Elektrik sxemlərini, prinsipial və montaj cizgilərini oxumaq bacarığı;
• Müvafiq əl alətləri, ölçü-sınaq cihazları (voltmetr, ampermetr, meqometr və s.) ilə işləmək vərdişləri;
• Elektrik təhlükəsizliyi qaydaları və texnoloji proses qrafikləri ilə işləmək bazası;
• Texniki jurnallarda qeydlərin aparılması bacarığı;
• Gecə növbələrində və yeraltı obyektlərdə (tunellərdə) işləmək qabiliyyəti, fiziki dözümlülük və yüksək məsuliyyət hissi;
• Kişi namizədlər üçün hərbi bilet (yararlılıq kateqoriyası ilə).

Müraciət etmək istəyən namizədlər öz CV-ni "CV göndər📤" düyməsindən istifadə edərək göndərə bilərlər.

Diqqət! İşə düzəltmək məqsədi ilə heç bir şəxs və ya qurum sizdən əvvəlcədən ödəniş tələb edə bilməz!  Dələduzluq hallarından qorunmaq üçün diqqətli olun