Yerli emal və material qəbuluna nəzarət üzrə mühəndis

SOCAR DOWNSTREAM MANAGEMENT LLC

Ə/h razılaşma ilə

8538

Tam iş günü

Bakı, Azərbaycan

30/01/2026 - 13/02/2026

İş haqqında məlumat

Material və avadanlıqların müvafiq standartlara, texniki şərtlərə və layihə tələblərinə uyğunluğunun yoxlanılmasını həyata keçirmək, sınaqların planlaşdırılmasını, təşkili və icrasını təmin etmək, sınaq nəticələrini təhlil edərək müvafiq qaydada sənədləşdirmək.
Təftiş və Sınaq Planlarının (ITP) hazırlanmasında iştirak etmək, təsdiqlənmiş planların icrasına nəzarət etmək, icra prosesində aşkar olunan uyğunsuzluqlar üzrə düzəldici və qabaqlayıcı tədbirlərin görülməsini təmin etmək.
Ölçmələrə nəzarət etmək, Qeyri Dağıdıcı Sınaqların (NDT) — ultrasəs, radiqrafiya, maqnit tozu, penetrant və s. — tətbiqini təşkil etmək və nəticələrin müvafiq standartlara uyğunluğunu yoxlamaq, həmçinin digər texniki nəzarət prosedurlarını icra etmək.
Yerli və xarici istehsalçı və təchizatçıların fəaliyyətinə nəzarət etmək, onların keyfiyyət planlarını və istehsal proseslərini qiymətləndirmək, emalatxana və sahə səfərləri həyata keçirərək istehsal və montaj mərhələlərində keyfiyyətə nəzarəti təmin etmək.
İstehsal olunacaq hissə və avadanlıqların texniki xüsusiyyətlərinin, spesifikasiyalarının və cizgilərinin hazırlanmasında texniki dəstək göstərmək, layihə və istehsal bölmələri ilə koordinasiyalı şəkildə işləmək.
Material nəzarəti üzrə aylıq, rüblük və tələb olunduqda xüsusi hesabatlar hazırlamaq, görülmüş işlər, aşkar edilmiş uyğunsuzluqlar və risklər barədə rəhbərliyə mütəmadi məlumat vermək.
Statik avadanlıqların bütövlüyü və istismar təhlükəsizliyi üzrə qüvvədə olan qanunvericilik və normativ tələblərin icrasına dəstək vermək, müvafiq yoxlamaların və qiymətləndirmələrin aparılmasında iştirak etmək.
Əsaslı təmir və modernizasiya işləri zamanı emal proseslərinə, materialların qəbulu və uyğunluğuna dair nəzarət tədbirlərinin planlaşdırılmasında və icrasında iştirak etmək.
Keyfiyyət təminatı sisteminin tələblərinə, əməyin mühafizəsi və texniki təhlükəsizlik qaydalarına riayət olunmasını təmin etmək, iş prosesində risklərin minimuma endirilməsi üçün müvafiq tədbirlərin görülməsinə nəzarət etmək.

Tələblər

Mexanika mühəndisliyi, metallurgiya və ya müvafiq texniki sahə üzrə bakalavr dərəcəsinin olması;
Emal, material qəbulu və ya oxşar texniki nəzarət sahəsində minimum 5 il iş təcrübəsi;
İngilis dili biliyi minimum B2 səviyyəsində;
Texniki cizgiləri və spesifikasiyaları oxuma və tətbiq etmə bacarığı;
Ölçü və ölçmə alətləri ilə sərbəst işləmə bacarığı;
MS Office proqramlarında yüksək səviyyəli bilik;
Analitik düşüncə, hesabat hazırlama və komanda ilə işləmə bacarığı;
SNT TA 1C standartına uyğun VT, PT, UT, RT və ya MPI Səviyyə 2 sertifikatlarının olması üstünlükdür.