Mexanik Briqadir

Əsas vəzifə öhdəlikləri:

• Binada mövcud olan mexaniki mühəndis sistemlərinin fasiləsiz, təhlükəsiz və səmərəli fəaliyyətini təmin etmək.
• Su təchizatı, kanalizasiya, istilik, soyutma, havalandırma, kondisioner, drenaj, qazanxana və nasos sistemlərinin texniki vəziyyətinə gündəlik nəzarət etmək.
• Mexaniki texniki heyətin gündəlik fəaliyyətini təşkil etmək, iş bölgüsünü aparmaq və verilmiş tapşırıqların vaxtında və keyfiyyətlə yerinə yetirilməsinə nəzarət etmək.
• Mexaniki sistem və avadanlıqlar üzrə profilaktik baxış, texniki xidmət və təmir işlərinin təsdiq edilmiş qrafiklərə uyğun icrasını təşkil etmək.
• Avadanlıqlarda yaranan nasazlıqları vaxtında müəyyən etmək, səbəblərini araşdırmaq və aradan qaldırılması üçün zəruri tədbirlər görmək.
• Su sızması, kanalizasiya tutulması, nasosların sıradan çıxması və digər qəza hallarında operativ müdaxilə etmək, texniki heyətin işini əlaqələndirmək.
• Mexaniki avadanlıqların texniki istismar, əməyin mühafizəsi və təhlükəsizlik qaydalarına uyğun istifadəsinə nəzarət etmək.
• Texniki xidmət və təmir işləri üçün tələb olunan alət, material və ehtiyat hissələrinə olan tələbatı müəyyən etmək və təminatla bağlı rəhbərliyə məlumat vermək.
• Görülmüş işlərin, aşkar edilmiş nasazlıqların və aradan qaldırılmış problemlərin texniki jurnallarda qeyd olunmasını təmin etmək.
• Briqada üzvlərinin əmək intizamına, iş qrafikinə və daxili intizam qaydalarına riayət etməsinə nəzarət etmək.
• Mexaniki sistemlərdə enerji və su itkilərinin azaldılması, avadanlıqların səmərəli istismarı istiqamətində tədbirlər görmək.
• Mexaniki sistemlərin texniki vəziyyəti, görülmüş işlər və mövcud problemlər barədə birbaşa rəhbərə mütəmadi məlumat vermək.
• Birbaşa rəhbər tərəfindən vəzifə səlahiyyətləri çərçivəsində verilən digər tapşırıqları yerinə yetirmək.

Vəzifənin ilkin tələbləri:

• Müvafiq texniki sahə üzrə orta ixtisas və ya ali təhsil;
• Mexaniki sistemlərin istismarı və texniki xidməti sahəsində iş təcrübəsi;
• HVAC, su təchizatı, kanalizasiya, istilik və nasos sistemləri üzrə praktiki biliklər;
• Texniki nasazlıqların müəyyən edilməsi və aradan qaldırılması bacarığı;
• Texniki heyətin idarə edilməsi və işlərin koordinasiyası bacarığı;
• Əməyin mühafizəsi və texniki təhlükəsizlik qaydalarını bilmək;
• Məsuliyyətlilik, operativlik və komanda ilə işləmək bacarığı.